Udhëtimet në Europë janë argëtim dhe të dhurojnë pa diskutim kujtime të bukura, por njëkohësisht nuk vijnë pa e rënduar pak xhepin.

Nëpërmjet këtij artikulli SuperSim ju ofron disa këshilla praktike dhe konkrete se si të kurseni para në aspekte të ndryshme të udhëtimit në Evropë, si fluturimet, akomodimi, ushqimi, transporti, komunikimi dhe argëtimi. Gjithashtu ju prezanton me disa platforma dhe shërbime të veçanta që mund t'ju ndihmojnë të gjeni ofertat dhe përvojat më të mira.

Tabela e Përmbajtjes:

Fluturime: Si të gjeni fluturime të lira dhe të përshtatshme drejt dhe brenda Evropës, duke përdorur strategji dhe mjete të ndryshme.

Akomodimi: Si të gjeni akomodim të përballueshëm dhe komod në Evropë, duke përdorur opsione dhe platforma të ndryshme.

Ushqimi: Si të kurseni para për ushqim në Evropë, duke përdorur metoda dhe burime të ndryshme.

Transporti: Si të udhëtoni nëpër Evropë në një mënyrë me kosto të ulët dhe fleksibël, duke përdorur mënyra dhe shërbime të ndryshme.

Komunikimi: Si të qëndroni të lidhur në Evropë pa shpenzuar shumë, duke përdorur eSIM dhe SuperSim.al.

Argëtim dhe eksperienca: Si të shijoni kulturën dhe atraksionet e Evropës pa prishur bankën, duke përdorur aktivitete dhe platforma falas ose me zbritje.

Le të fillojmë...

1. Biletat e avionit

Ka shumë mënyra për të kursyer para me biletat e avionit, por le të fillojmë nga ato më tipiket.

Koha e blerjes
Shumë prej jush mund të jenë në dijeni për këtë, por është e rëndësishme të theksohet sërish.
Koha kur blini biletat ka rëndësi.

Në thelb çdo biletë që blini, është subjekt i një sistemi të ngjashëm me atë të një burse. Sa më shumë të rritet kërkesa nga tregu, aq më të shtrenjta bëhen biletat.

Besoj ju ka ndodhur të paktën një herë, që keni dashur të prenotoni udhëtimet për diku, por sapo ka pasur një ngjarje madhore, çmimet janë rritur drastikisht.

Në praktikë edhe pse këshillë e thjeshtë, vlen të ri-kujtohet, që koha më e mirë për të blerë një biletë avioni, është mundësisht disa muaj përpara udhëtimit tuaj.

Data fleksibël
Nëse keni mundësi të ruani fleksibilitet në datat tuaja të udhëtimit, kjo ju ndihmon shumë, sepse pjesa më e madhe e faqeve që shesin bileta avioni, do t'ju lejojnë të shikoni kombime të ndryshme çmimesh, sipas datave të ndryshme.

Si shëmbull, faqe si Udhetari.al ose Skyscanner.net, ju lejojnë që të bëni edhe kërkim 1 mujor, kur kërkoni për udhëtime, duke ju lejuar të shihni çmimet e gjithë muajit, në atë destinacion përkatës.

Sa më fleksibilitet të keni me datat, aq më shumë mundësi keni për të kursyer.

Përdorni faqe krahasimi
Kur vjen puna tek blerja e biletave, ashtu siç ka shumë agjensi turistike, ka dhe shumë faqe ku mund të blini bileta avioni dhe jo gjithmonë mund të gjeni çmimet më të mira.

Edhe pse biletat e avionit, përgjithësisht nuk kanë ndryshime të mëdha në çmim, mund të ndodh që në një moment të caktuar, një faqe specifike, ka oferta më të mira se një faqe tjetër.

Për të verifikuar këto krahasime, faqe si Udhetari.al ose SkyScanner.net janë shumë të dobishme, sepse të lejojnë që të bësh krahasimin midis çmimeve të ndryshme nga faqe të ndryshme, si në vijim.

Blini online dhe blini nga burimi
Ndërsa nuk kemi asgjë kundra agjensive turistike tradicionale, mos harroni që agjensitë janë ndërmjetës biletash dhe shpesh herë faturojnë më shumë në çmime, për të marrë edhe fitim më të madh.

Duke blerë online, në shumicën e rasteve mund të kurseni më shumë para dhe çka është më e rëndësishme, të merrni kohën tuaj, pa pasur presionin e dikujt nga jashtë, për të zgjedhur ekzaktësisht atë që ju duhet.

Një e mirë tjetër, është që duke shkuar tek burimi, psh tek linja ajrore që keni zgjedhur, shpesh mund të përfitoni edhe oferta më të mira, gjë që na nxjerr tek pika tjetër.

Kuponat dhe ofertat promocionale
Për të dhënë një shëmbull, mund të marrim rastin e WizzAir.

Kompani ajrore të ndryshme, kanë lloje ofertash të ndryshme dhe kjo ndryshon sipas rastit.

Psh. WizzAir, ka një paketë që quhet WizzAir Discount Club.

Nëse udhëtoni shpesh, paketa si këto janë shumë të dobishme, pasi me një pagesë vjetore modeste, mund të përfitoni ulje të konsiderueshme për çdo biletë që blini nga kjo linjë ajrore.

Thuajse çdo linjë ajrore ka format e veta të shpërblimit dhe të uljeve dhe nëse keni pak durim, mund të gjeni shumë prej tyre.

Po ashtu, mbani sytë hapur për kupona promocional, pasi nuk është e pazakontë të gjeni të tillë.

Kuponat promocional, të ndihmojnë që gjatë blerjes të përfitosh edhe ulje të mëtejshme.

Kombinime linjash ajrore
Nëse nuk ju mjaftojnë këshillat e mësipërme, kemi dhe një sugjerim tjetër për ju.

Nëse nuk e dini, mënyra si shumica e linjave ajrore funksionojnë, është në partneritet me një grup të tjerë linjash, duke krijuar kështu ndërlidhje të qarta midis njëra tjetrës, por kjo nuk rezulton gjithmonë me kombinimet më të mira.

Një shëmbull konkret është ky.

Nëse keni një udhëtim në Australi dhe doni që të blini një biletë nga fillimi deri në fund për të mbërritur aty, kosto mund të jetë e madhe, pasi mund të duhet të zgjidhni një linjë ajrore të shtrenjtë duke filluar nga Tirana, ndërkohë që vende të tjera në Europë, mund të kenë oferta më të mira.

Një zgjidhje në këtë rast, mund të jetë udhëtim me një linjë lowcost deri në një vend Europian e më pas nga aty me një linjë tjetër në Australi.

Themi linjë lowcoast, pasi në shumicat e rasteve, linjat lowcoast si WizzAir, nuk ofrojnë bashkëpunim me linjat e tjera dhe si të tilla, mund të jetë e nevojshme të bëni një kombinim manual.

Faqe si Kiwi.com ju ndihmojnë në këtë drejtim, duke ju lejuar të krijoni kombinime linjash që nuk janë gjithmonë të dukshme nëpërmjet agjensive apo faqeve si Expedia.

Kjo formë udhëtimi ama, nuk vjen pa rreziqe të vogla. Një shëmbull mund të jetë, që shpesh gjatë udhëtimeve, mund të jetë e nevojshme të bni check-out dhe check-in sërish në më shumë se një linjë, si rrjedhojë e mungesës së lidhjes midis këtyre linjave.

2. Akomodimi

Sipas rendit, pika më e dytë në renditjen e shpenzimeve më të mëdha, është thuajse gjithmonë akomodimi, prandaj dhe nëpërmjet këtyre udhëzimeve, synimi është që t'ju pajisim me ide dhe njohuri konkrete të cilat mund ti përdorni për të kursyer në akomodimin tuaj.

Një nga avantazhet këtu, është që ndryshe nga biletat e avionit, akomodimi është një pikë e cila ofron më shumë fleksibiltet për kursim.

Pse?

Sepse opsionet janë shumë herë më të mëdha dhe format e akomodimit janë nga më të ndryshmet, sipas nevojave dhe kërkesave tuaja unike.

Le të fillojmë me pikat më të zakonshme e të vijojmë më tej, me disa opsione pak më të veçanta për të kursyer.

• Koha e udhëtimit
  Ashtu si me biletat e avionit, edhe akomodimet, janë të luhatshme bazuar në kohën kur udhëtoni.
  Sezonet e festave, si shëmbull, janë ndër kohët më të pa-përshtatshme për të udhëtuar, sepse të gjithë udhëtojnë në këto periudha.
  
  Çmimet gjatë këtyre periudhave, mund të jenë edhe 2x,3x më të shtrenjta se në periudha të tjera, prandaj dhe vlen të konsideroni kohën kur udhëtoni.
  
  Nëse e keni të mundur, një ide e mirë, është të merrni pushimet nga puna në kohë me më pak fluks, duke shijuar kështu edhe çmime më të mira akomodimi.
  
  Vlen të përmendet që shtete dhe qytete të ndryshme, kanë po ashtu festa apo sezone të ndryshme.
  
  Psh. nëse udhëtoni në Gjermani gjatë festës së famshme të Tetorit (October Fest), do hasni vështirësi të madhe për të gjetur akomodim (sidomos në qytete specifike, si Mynihu).
  
  Duke e pasur këtë parasysh, përpiquni të planifikoni sa më mirë paraprakisht.
  

• Blini herët dhe kurseni
  Edhe ky parim, është i njohur, por vlen të përmendet. Ashtu si me biletat e avionit, edhe akomodimet janë më të mira kur blihen herët.
  
  Shumica e akomodimeve ofrojnë çmime shumë më të mira nëse blini disa muaj përpara udhëtimit tuaj.
  

• Përdorni filtrat e kërkimit, për të gjetur specifikisht atë që po kërkoni
  Faqet e ndryshme të rezervimeve online si Udhetari.al, Booking, etj. ofrojnë filtra të avancuar, për të gjetur ekzaktësisht atë që po kërkoni, por jo të gjithë i përdorin këto filtra.
  
  Psh. nëse po kërkoni të udhëtoni në Barcelonë dhe ju duhet një akomodim specifik, ju mund të përdorni filtra të tipit, lloji i akomodimit (psh. apartament, hotel apo diçka tjetër), çmimi që po kërkoni, zona, hapsira, çfarë komoditetesh ofron etj.
  
  Duke përdorur filtrat, ju mund të gjeni opsione më të mira dhe më të përshtatshme kundrejt çmimit që po kërkoni.

• Flini në Hostele ose akomodime të ndara
  Për pjesën më të madhe të njerëzve, të flesh në Hostel apo akomodime të ndara, mund të duket si diçka e çuditshme, por në fakt është shumë herë më praktike dhe më e sigurtë seç duket.
  
  Për kë nuk e di çfarë janë, Hostelet, ndryshe nga Hotelet, janë akomodime, të cilat ofrojnë krevate të shumta brënda një dhome, ku njerëz të ndryshëm flejnë në një ambjen të përbashkët.
  
  Edhe pse kjo mund të duket e çuditshme dhe e frikshme për dikë që nuk e ka provuar, në fakt, pjesa më e madhe e hosteleve, janë super të sigurta dhe kanë rregulla strikte, të cilat ruajnë qetësinë, pastërtinë dhe sigurinë brënda ambjenteve të tyre.
  
  Në shumicën e Hosteleve, edhe pse dhoma është e ndarë, gjithsecili sheh punën e vetë dhe çdo person, ka dollapin e vetë individual me çels, për të siguruar mjetet e rëndësishme.
  
  Avantazhi me hostelet, është se çmimi i akomodimit mund të jetë shumë herë më i lirë se një dhomë hoteli, pikërisht prej arsyes se mund të akomodojë shumë njerëz brënda një dhome.
  
  Për tu siguruar që të flini në hostele të mira, sigurohuni gjithmonë që të shihni vlerësimet e shumta që klientët lëshojnë në platforma si Udhetari.al, HostelWorld.com apo Booking etj.
  
  Vlerësimet janë një sinjalizues shumë i mirë, lidhur me çfarë lloj akomodimi jeni duke përzgjedhur dhe kushtet përkatëse.

• Blini akomodime në faqe promocionale
  A e dinit se mund të gjeni super akomodime me çmime jashtëzakonisht të lira, në vende krejtësisht të pazakonta.
  
  Një shëmbull i tillë është Groupon.
  
  Groupon, është një faqe e cila ofron oferta fantastike për thuajse çdo lloj gjëje, duke mos përjashtuar këtu akomodimet.
  
  Nëse jeni pak të durueshëm, mund të gjeni oferta vërtet të veçanta dhe të planifikoni udhëtimet tuaja rreth këtyre ofertave.
  
  Si shëmbull, nëse ju duhet të blini paketa turistike të veçanta në Gjermani, mund ti hidhni një sy Grouponit vendas Gjerman: https://www.groupon.de/gutscheine/berlin?topcategory=travel
  
  Në kategorinë specifike për hotele dhe udhëtime, do gjeni jashtëzakonisht shumë opsione të veçanta me çmime fantastike.
  
  Mjafton të hapni llogari në platforma si Groupon dhe mund të përfitoni oferta marramendëse.
  

  

• Platforma të veçanta dhe ide të pa-zakonta
  
  Pothuajse të gjithë dinë të udhëtojnë duke përdorur rezervime në hotele dhe akomodime të zakonshme, por a e dinit se ka dhe mënyra për të udhëtuar dhe akomoduar plotësisht falas?
  
  Po, është vërtet e mundur.
  
  Një shëmbull i tillë, është një platformë e cila quhet CouchSurfing.com
  
  CouchSurfing, është një mënyrë ndryshe për të udhëtuar, ku ti i kërkon pjestarëve të ndryshëm në vendin ku do të shkosh, që të të ofrojnë akomodim pa pagesë.
  
  Premtimi moral ose i "pa-reklamuar" i kësaj platforme, është që ti reciprokon, duke bërë të njëjtën gjë me udhëtarë të tjerë që vijnë në shtëpinë tënde, por jo vetëm.
  
  Në thelb, koncepti i kësaj platforme, është një mënyrë ndryshe për të krijuar njohje dhe shoqëri të reja, në vendet ku udhëton.
  
  Ashtu si me akomodimet tipike, edhe në këtë platformë, ti ke mundësi të shfletosh mbi akomodime të ndryshme dhe të bësh kërkesë për tu akomoduar diku.
  
  Nëse akomodimi pranohet, atëher, ju do mund të qëndroni tek personi përkatës.
  
  Një tjetër platformë shumë interesante është Workaway:
  
  Kjo është një platformë që lidh udhëtarët me mikpritësit që kanë nevojë për ndihmë me projekte të ndryshme, si bujqësia, mësimdhënia, kopshtaria, ndërtimi, etj. Në këmbim të disa orësh punë në ditë, mund të merrni strehim falas dhe ndonjëherë ushqim nga mikpritësit tuaj.
  
  Kjo është një mënyrë e shkëlqyer për të mësuar aftësi të reja, për të kontribuar në një kauzë të mirë dhe për të zhytur veten në komunitetin lokal.
  
  Ju pëlqejnë kafshët?
  
  House Sitting është një platformë tjetër fantastike që lidh udhëtarët me pronarët e shtëpive që kanë nevojë për dikë që të kujdeset për shtëpinë dhe kafshët e tyre shtëpiake ndërsa ata janë larg.
  
  Në këmbim të kujdesit për pronën dhe kafshët e tyre, ju mund të merrni strehim falas në shtëpinë e tyre. Është një mënyrë e shkëlqyer për të shijuar komoditetet dhe rehatinë e një shtëpie dhe për të pasur disa shoqërues 4 putrosh për t'ju mbajtur shoqëri.
  
  Për të pasur sukses, sigurohuni që të keni një profil të mirë, referenca dhe aftësi komunikimi për t'u bërë përshtypje pronarëve të shtëpisë.
  

• AirBnB
  
  Së fundmi por jo më pak e rëndësishme, AirBnB është gjithashtu një burim shumë i mirë ku mund të gjeni akomodime në shtëpi të veçanta si dhe dhoma specifike të ndara.
  
  AirBnB është përgjithësisht një alternative më e lirë se akomodimet tradicionale në Hotele dhe si e tillë mund të jetë një burim shumë i mirë kursimi.
  
  
  

3. Ushqimi

Ushqimi është pa diskutim një nga pikat që na konsumon më shumë para gjatë udhëtimeve tona, prandaj dhe në vijim do ndajmë me ju disa ide dhe sugjerime për të kursyer sa më shumë për ushqimin gjatë udhëtimit tuaj të rradhës.

• Gatim në shtëpi por...
  Sigurisht, të gjithë e dimë që mund të kursesh duke gatuar vetë, por ama ajo që njerëzit nuk janë gjithmonë të vetëdijshëm, është që jo çdo akomodim të lejon të gatuash.
  
  Si shëmbull, shumica e hoteleve nuk kanë vende gatimi, por ama hostelet dhe dhomat e AirBNB, në shumicën e rasteve, kanë vend gatimi.
  
  Për tu siguruar për këtë, shikoni gjithmonë listën e utiliteteve kur rezervoni dhomën apo akomodimin tuaj.

• Ushqehuni si vendasit (përdorni inteligjencën artificiale për kërkim)
  Nëse dëshironi të hani jashtë, përpiquni të shmangni zonat turistike dhe restorantet që janë kryesisht të frekuentuara për të huajt.
  
  Përgjithësisht shumica e këtyre restoranteve ndodhen në zona qëndrore.
  
  Nëse shkëputeni pak nga qëndrat e qyteteve, mund të gjeni shpesh vende cilësore, por me çmime më ekonomike.
  
  Në të kundërt, nëse doni të gjeni paraprakisht restorantet që doni të frekuentoni, një mënyrë shumë e mirë për të kërkuar është duke përdorur Bing Chat (i cili është i fuqizuar nga inteligjenca artificiale).
  
  Ja si konkretisht. Nëse doni të shkoni në Barcelonë, mund ti bëni Bing një pyetje në këtë formë:
  
  "Jam duke udhëtuar në Barcelonë. Më duhet një listë restorantesh, të cilat kanë vlerësime të mira, por njëkohësisht nuk janë shumë të shtrenjta. Dua të di vënde të cilat frekuentohen kryesisht nga vendasit dhe jo nga turistët. Të lutem me jep disa ide."
  
  Ja përgjigjia e Bing në këtë rast:
  

  

  Nëse keni preferenca të veçanta, ju mund t'ja bëni me dije Bing Chat gjithashtu :)

• Aplikacione për transportin e ushqimeve në adresë
  Ashtu si shërbimet tona vendase të tipit Baboon etj. në Europë, ka shumë programe celulari që mund të instaloni që ju sjellin ushqimin në adresën tuaj.
  
  Këto aplikacione mund të jenë të mira sepse ju lejojnë të zgjidhni midis çdo lloj ushqimi që mund t'ju shkojë në mendje dhe të gjitha llojeve të çmimeve gjithashtu.
  
  Disa aplikacione të tilla të njohura në Europë janë Uber Eats, Deliveroo, Just Eat, Foodora etj.

• Gjeni oferta online
  Ashtu si me akomodimet, edhe për ushqimin, nëse shkoni në faqe si Groupon.com, do keni mundësinë të gjeni oferta super të veçanta për restorante dhe vënde për tu ushqyer.
  
  Një mënyrë konkrete psh. nëse jeni në Londër, mund të shkoni tek menuja Restorante e Groupon dhe të shihni opsionet e ndryshme: https://www.groupon.co.uk/vouchers/restaurants
  
  Shpesh herë në këtë formë, mund të përfitoni ulje deri në 70% ose më shumë, duke kërkuar pikërisht atë që ju pëlqen më shumë.
  
  Këto janë disa mënyra tipike për të kursyer lidhur me ushqimin.

4. Transporti

Nëse jeni duke udhëtuar nga një shtet në një shtet tjetër të Europës dhe/ose ndërmjet qyteteve, apo qoftë edhe brënda qytetit apo vendit ku keni zgjedhur të udhëtoni, transporti është një pjesë e madhe e shpenzimeve që mblidhen gjatë udhëtimeve. Në vijim do ndajmë me ju disa ide praktike dhe konkrete për të kursyer para për transport gjatë udhëtimeve tuaja.

Si gjithmonë fillojmë me ato më të zakonshmet, e vijojmë me ato më interesantet, për të cilat mund të mos jeni të informuar.

• Përdorni transportin publik dhe paketa ditore/javore/mujore.
  Transporti publik është thuajse gjithmonë më i lirë, më i shpejtë dhe më i përshtatshëm sesa të marrësh një taksi ose të marrësh me qira një makinë në Evropë.
  
  Për të kursyer edhe më tej, vlen të konsideroni të merrni paketa ditore, javore ose mujore sipas nevojës.
  
  Shumica e shteteve dhe qyteteve Evropiane, kanë paketa të tilla, të cilat për një shumë modeste, të japin akses pa limit gjatë udhëtimit dhe jo vetëm.
  
  Përveç aksesit pa limit në transport publik, shumë nga këto paketa, të ofrojnë dhe shumë aksese të tjera, si hyrje ne muze, tërheqje të ndryshme turistike dhe ulje në shumë restorante dhe përvoja të tjera.
  
  Si shëmbull, nëse keni një udhëtim në Mynih, Gjermani, mund të konsideroni të blini online një paketë gjithpërfshirëse si kjo këtu, për akses në të gjithë transportin publik dhe shërbime të tjera të vendit.
  
  Duke ditur gjatësinë e udhëtimit tuaj, mund të konsideroni të blini paketën që ju intereson më së shumti dhe të kurseni shumë para transporti të panevojshme.

• Konsideroni një Eurail Pass.
  Nëse planifikoni të vizitoni shumë vende dhe qytete në Evropë, një Eurail Pass mund të jetë një opsion shumë i mirë.
  
  Eurail Pass është një leje gjithë përfshirëse, e cila ju mundëson të udhëtoni me tren në 33 vende të Evropës me një biletë të vetme.
  
  Ju mund të zgjidhni nga lloje të ndryshme lejesh në varësi të itinerarit dhe buxhetit tuaj. Një Leje Eurail mund t'ju kursejë qindra dollarë në tarifat e trenit dhe t'ju japë fleksibilitet dhe komoditet.
  

  

  Për të blerë një Eurail pass, mund të shkoni në këtë link -> https://www.eurail.com/en/eurail-passes/global-pass dhe të zgjidhni midis paketave të ndryshme të disponueshme.

• Nëse ju duhet të udhëtoni midis shteteve të ndryshme Evropiane, mund të konsideroni po ashtu udhëtimet me avion, për shkak të çmimeve tejet të lira të cilat ofrohen nga linja si RyanAir, WizzAir etj.

• Përdorni shërbime për ndarjen e shpenzimeve gjatë rrugës (Ridesharing).
  Kjo është një mënyrë tjetër fantastike për të kursyer para, të cilën jo të gjithë e dinë.
  
  Nëse doni të udhëtoni midis qyteteve, programe si BlaBlaCar, ju lejon ti bashkoheni rrugës me udhëtarë të tjerë dhe të ndani kostot e transportit së bashku, duke kursyer kështu shumë para.
  
  Nga ana tjetër, nëse udhëtoni brënda një qyteti të caktuar, vlen ti hidhni një sy gjithashtu aplikacioneve si Uber dhe Lyft, të cilat të ofrojnë transport të formave të ndryshme, me çmime super të mira.

• Përdorni platforma gjithëpërfshirëse për krahasimin e çmimeve
  Ashtu si me Udhetari.al apo Booking.com për akomodimet, ka po ashtu platforma të ndryshme që ju lejojnë të vendosni pikat e itinerareve tuaja, duke gjetur dhe krahasuar mënyrat e ndryshme se si mund të shkoni deri aty.
  
  Një shëmbull shumë i mirë i kësaj është një faqe si Rome2Rio.com
  
  Për të marrë një shëmbull specifik, nëse dua të shkoj nga Barcelona tek Cas Català, i cili është një destinacion specifik brënda një ishulli afër Barcelonës, mund të vendos këto dy pika itinerari në rome2rio dhe të krahasoj format e ndryshme të transportit për të udhëtuar aty.
  

  

  Në rastin në fjalë, mund të bëj krahasimin midis mënyrës më të mirë për të udhëtuar aty, më të lirës dhe formave të tjera alternative.
  
  Duke bërë krahasimin midis formave të ndryshme të transportit, mund të krijoni një ide më të mirë të opsioneve që keni për të kursyer para.
  
  Këto janë vetëm disa nga format më interesante të transportit.
  Ky artikull do përditësohet sërish me forma të reja transporti dhe mënyra për të kursyer më tej...

5. Komunikimi

Komunikimi është një aspekt tjetër shumë i rëndësishëm i udhëtimit, veçanërisht nëse dëshironi të qëndroni të lidhur me miqtë, familjen ose punën tuaj, ndërkohë që udhëtoni.

Problemi është që nëse përdorni paketa tradicionale roaming gjatë udhëtimit tuaj, kostot mund të jenë të konsiderueshme.

Një gjë e mirë për shumë vetë që udhëtojnë në Evropë tashmë, është që çmimet e Roaming kanë zbritur shumë për Shqipërinë dhe Kosovën, por sidoqoftë mbeten goxha të shtrenjta.

Nëse doni të komunikoni lirshëm gjatë udhëtimit tuaj, praktikisht mënyrat tradicionale që njihen dhe janë të disponueshme janë paketat dhe tarifat roaming të ofruara nga operatorët vendas, ose në mënyrë alternative blerja e kartave sim lokale kur mbërrini në destinacionet ku udhëtoni.

A ka zgjidhje të tjera? Po, për fat të mirë, ka opsione edhe më të mira se ato tradicionale. Një nga këto janë paketat e disponueshme me akses të menjëhershëm si paketat eSIM nga SuperSim.al

Çfarë është eSIM?

Esim është thjesht një kartelë SIM, por e lëshuar në formë dixhitale dhe e cilaju lejon të përdorni internetin në vende të ndryshme pa pasur nevojë për të ndryshuar kartën fizike SIM ose numrin e telefonit që përdorni gjatë ditpërditshmërisë tuaj.

Një nga ofruesit më të mirë eSIM për udhëtarët është SuperSim.al, e vetmja kompani Shqiptare që ofron paketa eSIM dixhitale për 36 vende evropiane me një çmim shumë të mirë.

Me teknologjinë e SuperSim.al, ju mund të aktivizoni eSIM-in tuaj nga shtëpia, duke mundësuar kështu, të lidheni automatikisht me internetin kur të mbërrini në destinacionin tuaj dhe të ndërlidheni midis operatorëve vendas pa asnjë problem.

Duke pasur GB të shumta, ju mund të komunikoni me të gjithë të afërmit, miqtë, kolegët dhe njohjet tuaja me thjeshtësi duke përdorur Whatsapp/Viber e programe të ngjashme, si dhe të shijoni çfarëdolloj aktiviteti tjetër dixhital me thjeshtësi, kudo që shkoni nëpër Europë.

SuperSim.al ofron paketa nga 1GB-300GB+ që fillojnë me vetëm 2.9 Euro dhe zgjasin nga 30 ditë në 60 ditë.

E mira e kësaj alternative për të përfituar internet, është se jeni të lidhur me internet, direkt sapo zbrisni nga aeroporti, duke eliminuar kështu nevojën për të bredhur nga dyqani në dyqan, për të gjetur një paketë të mirë interneti.

Për më shumë informacion rreth eSIM dhe SuperSim.al dhe si mund të kurseni para, por jo vetëm, ju sugjerojmë të lexoni dhe këtë artikull -> Roaming apo SuperSIM?

6. Argëtimi dhe eksperiencat

Fantastike, arritëm në fund të këtij artikulli dhe udhëzuesi të detajuar lidhur me mënyrat e ndryshme si mund të kurseni gjatë udhëtimeve tuaja në Europë, por nuk mbaron me kaq.

Sigurisht, të gjithë duam të kursejmë tek biletat e avionit, akomodimet dhe shpenzimet më tipike që hasim gjatë udhëtimeve tona, por pse të mos kursejmë edhe tek eksperiencat apo aktivitetet argëtuese që bëjmë gjatë udhëtimeve tona.

Ndoshta mund të duket sikur nuk ka shumë çka mund të kursejmë në këtë pikë, por në fakt realiteti është krejtësisht ndryshe.

Në vijim do ndajmë me ju disa ide konkrete dhe praktike për çfarë mund të bëni për të kursyer në udhëtimet dhe përvojat tuaja argëtuese në Europë ;)

• Planifikoni aktivitet dhe buxhetin maksimal me inteligjencën artificiale
  Po, realisht! Edhe kjo është e mundur tashmë dhe madje do surprizoheni se sa efektive është.
  
  Nëse jeni tipi që doni të keni itinerare të mirë-planifikuara, por nuk doni të shpenzoni shumë para në guida të personalizuara, inteligjenca artificiale mund t'ju hyjë në punë, duke ju ndihmuar të planifikoni ditën në mënyrë gati perfekte.
  
  Si? Ku?
  
  Ja një shëmbull interesant.
  
  Duke përdorur platforma si https://tripplanner.ai/ ju mund të krijoni një plan fantastik të bazuar në vendin të cilin po vizitoni dhe jo vetëm...
  
  Ashtu si do bënit me një guidë lokale, ju mund ti jepni informacione të ndryshme planifikuesit dixhital, lidhur me preferencat që keni në mënyrë që t'ju ofrojë fiks atë që doni.
  
  Disa nga informatat që mund ti jepni planifikuesit janë datat kur do udhëtoni, sa vetë jeni, llojet e aktiviteteve që ju pëlqejnë më shumë, sa vakte doni gjatë ditës, çfarë buxheti keni dhe sa planifikoni të shpenzoni në total për një ditë, shpejtësinë apo shpeshtinë e aktiviteteve e shumë detaje të tjera.
  
  Bazuar në këto informacione, planifikuesi AI, do t'ju ndihmojë që të krijoni një itinerar thuajse perfekt për veten dhe shoqëruesit tuaj.
  
  A nuk është fantastike? Kjo është e ardhmja... dhe në fakt, e tashmja gjithashtu :)
  

  

  
  
  

• Provoni platforma të ndryshme si couchsurfing ose Airbnb Experiences
  Nëse dëshironi të takoni vendasit dhe të keni një përvojë më autentike dhe personale, mund të provoni përvoja si couchsurfing ose Airbnb.
  
  Couchsurfing është një platformë që lidh udhëtarët me mikpritësit që ofrojnë akomodim dhe mikpritje falas. Mund të qëndroni me ta, të ndani histori dhe të mësoni për kulturën dhe stilin e tyre të jetesës.
  
  Airbnb Experiences nga ana tjetër janë aktivitete që organizohen nga vendasit që duan të ndajnë pasionet e tyre me të tjerët.
  
  Mund të provoni një shumëllojshmëri përvojash të ndryshme, si klasa gatimi, ngjitje në mal, takime me miq, klasa pikture, Yoga e lloj lloj gjërash unike.
  

  

  Përvojat vendase, janë pa diskutim një nga mënyrat më të mira për të shijuar një vend ku udhëtoni.
  
  
  Sigurisht mos harroni disa nga përvojat e zakonshme gjithashtu...

• Vizitoni muze dhe monumente kulturore
  Evropa është plot me muze dhe galeri të mahnitshme që shfaqin historinë, kulturën dhe artin e pasur të kontinentit. Shumë prej tyre janë falas ose kanë çmime të reduktuara në ditë apo orë të caktuara. Mund të kontrolloni në internet ose të kërkoni në qendrën e informacionit turistik për ofertat më të mira. Për shembull, ju mund të vizitoni Luvrin në Paris falas të dielën e parë të çdo muaji, ose Muzeun Britanik në Londër falas çdo ditë.

• Shijoni artin e rrugës dhe shfaqjet.
  Evropa është shtëpia e disa prej artistëve dhe interpretuesve të rrugës më kreativë dhe më të talentuar. Mund t'i gjeni në sheshe, parqe, ura apo rrugica të ngarkuara, duke shfaqur aftësitë dhe talentin e tyre. Ju mund të shijoni muzikën, kërcimin, komedinë, magjinë ose pikturën e tyre falas ose për një donacion të vogël. Ju gjithashtu mund të bashkoheni në turne ose punëtori falas të grafiteve në disa qytete, si Berlini, Barcelona ose Lisbona.

• Merrni pjesë në Free Walking Tours
  Një nga mënyrat më të mira për të eksploruar një qytet dhe për të mësuar për historinë dhe kulturën e tij është të bëni rrugëtime në këmbë.
  
  Mund të gjeni ecje falas ose të lira në pothuajse çdo qytet evropian, të udhëhequr nga guida vendase te apasionuar dhe të ditur.
  
  Ju mund të zgjidhni nga tema të ndryshme, si historia, arkitektura, ushqimi ose jeta e natës. Ju duhet vetëm të jepni bakshish udhërrëfyesin në fund të turneut, ose të paguani një tarifë të vogël nëse rezervoni online. Mund t'i gjeni në faqet e internetit si Free Walking Tours Europe, Sandemans New Europe ose GuruWalk.

Në këtë artikull, kemi shikuar disa këshilla se si të kurseni para në aspekte të ndryshme të udhëtimit në Evropë, si fluturimet, akomodimi, ushqimi, transporti, komunikimi dhe argëtimi. Kemi prezantuar edhe disa platforma dhe shërbime speciale që mund t’ju ndihmojnë të gjeni ofertat dhe përvojat më të mira.

Udhëtimi në Evropë nuk duhet të jetë një ëndërr e pamundur ose një shpenzim i madh. Me pak planifikim, kërkim dhe kreativitet, mund të shijoni bukuritë dhe diversitetin e kontinentit në një mënyrë të përballueshme dhe të këndshme.

Shpresojmë që këto këshilla t’ju kenë frymëzuar dhe t’ju kenë ndihmuar të bëni udhëtimin tuaj më të lehtë dhe më të lirë. Ju urojmë një udhëtim të mrekullueshëm në Evropë!